lundi 11 avril 2011

Independencia es ora?

Independéncia o pas.

Uèi voldriai m' interessar mai que mai a l'idèa de l'independéncia dels pòbles. E a mai a la nòstra.
Avem totes dins la memòria la marcha reiala dels pòbles cap a l'independéncia. Argeria. Vietnam. La quite China con quistèt la seuna merces de la longa marcha del Maò...Per se trobar ont son totes...
Mas d'autres paises mai pròchas de la vièlha Euròpa conquistèron la seuna independéncia.. França festegèt aquela independéncia e nos remembrèt encara de la Cristina Ockrent quilhada sus la sia barricada del benastre, la de la casuda de la parèt ...Cristina la femna jornalista que sonava los « talibans » de l'Afganistan d'un còp èra, los estudiants revolucionaris... Me remembri lo chapla de Timisoara de G Durand. Per dire que de jornalistes cagolards... E ara contunha....
Vesem plan ara que l'Euròpa dubris lo portanèl de l'independéncia quand li agrada... Es a dire quand emmerdam los Rus...Remembrem nos de la Bòsnia, de la Macedònia, del Montenegro, de la Serbia, de l' Eslovènia, del Cosovò, de la Eslovaquia , de la Chequia ....
A l'epòca sufisiá de demandar . An ganhat l'independencia?
Los bosniacs parlan quitament la meteissa lenga que la dels serbes.... E se tròban ara de cercar los mots per se diferenciar de la Serbia ...
Mentre que los nòstres govèrns , de la libertat occitendala vòlon pas donar independéncia als bascas , als catalans, per exemple, pas mai als escossès , als corses , als bretons , e encara mens als occitans....
Donc se volètz se vei clarament la volontat europenca de donar la libertat als pòbles de l'Euròpa , levat los de la vièlha Euròpa , es a dire l'Euròpa de l'oèst filha de la glèisa e de la papautat de Roma. Tocar pas a Espanha , a França , a Itàlia, a Anglatèrra . La federacion europenca de las libertats es plan polida, mas cal pas repapiar e buta pepin dins los romècs ...
De veire lo mal qu'an las societats poderosas bascas o catalanas d'espanha , e lo govèrn espanhòl, aconselhat o cal dire per França , la filha ainada d' Innocent III el meteis filh de papa, nos demandem se la lotja per l'independéncia es plan senada ara .
Òc una question sens mai de malícia... Per de qué se pausar la question?
Per exemple , aprèp la desfacha de Mureth, Occitània paguèt la mitat de la bastison del Lovre, la mitat tanben per la bastison dels castèls de Leire, mas e mai , Occitània paguèt encara per salvar los françèses que venguèron dins l'airal liura d' Occitania entre 1940 e 1945 , ont la guèrra dels bartas foguèt la mai brava.
Dempuèi de sègles los occitans montan a Paris per enriquir Paris.
Vesem qu' Occitania paguèt per totas las conarias franquesas . Per exemple quand França encapèt de far la guèrra als argerians , als vietcongs , als tananarivais , als marocans , quitament a pron pena sortit de l'ocupacion germanica, o endavant quand Napoleon arroïnèt Euròpa, estripèt Catalunya , o quand los reis francimands aluquèron de fuòcs de pertot.
Doncas se tròba que los occitans paguèron e participèron a tot , e paguèron fa gaire , la tor Eifel lo tresen periferic a l'entorn de Paris , lo metrò, o l' arrivada del quatren RER a Meulun .
Parlem pas de la guèrra de 1914 1918 ont los occitans paguèron mai que los autres dins las trencadas.
Tot aquò per dire que sem en çò nòstre , qu' avem pagat lo tèrme , e qu' avem los dreches de demandar l'aplicacion dels dreches de l'òme de la femna, aital l' « usufruch » e l' idèa de la republica ,de la revolucion que los occitans mantenguèron l'esperit quitament contra la majora part dels françès e de Petain....
L'idèa de França sens nosautres es res.
E que vist tot çò qu' avem pagat , nos cal nos demandar la mesa en pratica, subte, dels dreches de l'òme , qu' avem bastit sens farlabica , coma l' evidencia.
L'idèa seria de dire que França es pas qu'una idèa , la nòstra, e que la volem tota amb la libertat , fondamentala de parlar la nòstra lenga dins l'encastra d'una republica que faguèrem .