mardi 25 septembre 2007

Mureth for ever

Aqui , la vista qu'aguèt benlèu un jorn lo paure rei d'Aragon. La ribièra Loge e la gleisa qu'existissia pas encara a l'epoca , mentre que d'ostalets se dreissava de pertot de l'autre costat , al long de la carrièra Loge, que fasia que los crosats , plan aconselhats per Innocent III e sos parliquejaires lo Folquet de Marselha , per n'en sonar qu'un, poguèssen s'aplechar e s'amagar , coma cal per aroïnar lo miegjorn e se partajar las riquesas , que lo bon Diu avia pas res pus de veire , dins aquela crosada de paucs vals.
Ailas es aici que començèt las conquistas colonialas , lo biais de panar los pòbles de lor libertat. Se pòd dire que los Françèses aprenguèron aici los mestièr de panaires mondials e de donaires de leiçons. Los angleses tanben cal o dire . Levat que los francèses an pas jamai quitat l'idèa qu'èran una mena de pòble elegit, qu'avia per pretzfach d'ensenhar los autres de parlar.... françès, e los dreches de l'òme , una mena de leiçon de manten per los que creson a las belas paraulas.
Uei i sem , nòstra lenga d'oc se moris, e los enfants aprenon de parlar l'anglès. E lo parisenc es pas pus qu'un provençal dins la banlega de New york. Son fotuts mas nos vendon ...