mardi 15 juin 2010

La Depeche, les elus et le TGV


Lo TGV de La Depêche du Gron Sut

Nos dison:

-que lo TGV es una locomotiva per la region
-que los financièrs seràn contents de finançar
-que l'emplèc augmentarà de 15%
-que lo torisme va augmentar tanben, (ja qu' ambe la baissa de la TVA los restaurants son plens)
-nos prometon de pas tampar las garas (Gordon, Solhac, Severac , Milhau, e de desenvolopar los TER de pertot ( mas ambe qual argent). Nosautres autonomistas responsables prepausem d'emplegar aquel argent per melhorar las linhas de la region . E doncas de pas manlevar encara mai d'argent a las bancas que França es tròp endeutada.

Pel moment sem segurs que :
- nos costarà 1,5 miliard d'eurò
-que Bordeaux l'aurà plan davant nosautres
-qu'anem gasanhar sonque 30 minutes per anar a Bordeaux
-que Tolosa serà totjorn l'androna de l'Euròpa
-que Blanhac va ne patir bravament.
-que sabem pas quora aurem la ligason TGV ambe Marsèlha o Barcelona
-que se l'idèa èra de desenclavar Tolosa , alara calia soscar de traucar las Pirenèus . (pas un mot dins aquela dralha)

Encara un còp , le grond sut coma ditz La Despacha de J Jaurès , (que parlava occitan el) , los occitans se'n chautan de montar a Paris dins mens de 3 oras, per anar 1 còp l'an a Disney World o al Lido . Mas non vòlon pas ne metre 8 per anar a Milhau o a Auch o a Foix .
Los elegits quitan pas de quistar cap a Paris, que per els, sembla La Mecque, puslèu que la capitala de la diversitat d'un país democratic.
Se daissan impausar l'esquèma tecnocratic parisenc e minjar la sopa sul cap, (e panar la moneda) .
E coma tocan mens de talha professionala e que l'Estat lor descentralisa las pèrdas, sens descentralisar l'argent . Se tròbon bravament colhonats sens capitar de comprendre que s'enganan fòrça.
De tot biais los prètz dels immòbles de Tolosa van flambar coma a Marselha ont son davalats
100 000 richasses (en plaça de 100000 marselhès) (sus 800 000 estajants) qu'arribèron atalentats de crompar d'ostals, pas cars, al païs de la cigala , e de s'aprofiechar de las calancas, (sens aprendre un mot de la lenga de Mistral) es a dire ambe un esperit estrangièr.
Aital los «dorifòras» sus las patanas.
Cò que sembla una tòca meravilhosa als nòstres elegits e a la nòstra Depêche du Grond Sut. .