pipachroge

Lo pipach roge cantèt de longa tre que la prima arribèt.
Lo merlhe cantava tanben.
E lo rossinholet siublava a se desalenar.
L'agassa , l"estornèl, e lo quite passerat bufavan o cridassavan a plen pitre, e los gorbatasses , e las besengas tant que podian ...
Mas lo pipach roge que garrelejava encara de las agantadas de l'ivèrn disià suaudament : soi viu soi viu soi viu

festa de la francophonie

Deman serà la fèsta de la francofònia, es a dire la nòstra fèsta dels occitans.

França mostrarà al monde consí venguèt la patria dels dreches de l'òme respectuosa de la diversitat?

Nos cal saludar aquela engana etèrna .

Sèm venguts los reis de la francofònia... Nosautres los occitans. La parlem la lenga ponchuda, mas fasèm de longa d'esperfòrç per la parlar melhor.

L'occitan del miègjorn udola de plaser , quand la còla occitana de rudbi se'n va jogar al nòrd.

E nos agrada que lo camin sia long , a la mesura del nòstre necitge...

Deman l'esquèrra (a a a a) serà elegida , mas totjorn tan socitosa de nos plegar

dins las pelhas dauradas de Paris.

Lo socialista es aital mas encara , l' ump, lo pc , lo Npa , lo FN e los autres . Los sindicats e las glèisas. Son totes estacats de nos crebar...

I aura pas jamai que los occitans per salvar l'Occitània e la lenga...