per los que lutchan

Lo temps se passèja e los amics se'n van. Entre que d'unes se trufan de ièu, que gulan ma paur . Paures coma se devian viure eternament .
Que vòlètz los ases poblan los cementèris... E nosautres anirem tanben ambe los ases.

primièr de mai

L'idèa qu'ai de la mòrt de Jaurès.

Mas ont es passat Joan Jaurès, ara , acò dels eiritièrs, dels pseudò eiritièrs, l'òme que parlava occitan blau , lo socialiste vertadièr.
Per tot aquò, ne faguèri un tròç de cançon (tots drèches servats de segur per copiright)
L'avètz aqui sens cap de fin, ni mai de debuta.

revolucion aici e ara?

Aqui una mena d' auto-retrach simple(iste) , fach ambe un imatja , al revèrs de las autras òbras que son de pintraduras vertadièras , fachas ambe de material informatica especifica.
Coma aquel òme, lo de la fotò (que me reverta), es pas content li ai donat la paraula .
NB: e me soi dich qu'aimaria plan d'ausir los autres parlar oc. Mas benlèu que m'engani?

EGF

T'ai tant aimada

la debuta de l'ivèrn a Maurici

Aici aquò's la debuta de l'ivèrn. L' ivèrn començèt en octobre per nosautres esabem pas encarar s'anem veire la prima dabant lo mès de julhet. Quand l'invèrn començèt en octobre 2008 , mas me soveni pas gaire, nos sem totes dich aquo's per causa de recaufament climatic , tot aquò serà lèu fach ,acabat tric e trac.
Aici l' escaufament , se'n parliquèja entre dos còps de pèsca al marlin , qu'es un peis delicios e car per l'obrador europeenc. O se'n parla en minjant un gratin de craba , o encara una mena de peis , lo peis roge , o lo crane chien o autre, qu'aici la cosina es bravament milhora que l'exagonala

Donc lo recaufament climatic aquò's pas que de cançon de nadal o pels nens, o pels paures cons de l'emisfèra nord.

cantar ambe los dalfins

Que ia quicòm de segur aquò's que lo maurician es un tipe de bona borra , e complètament assabentatde mecanica. Mentre que vesiam ren de ren,nosautres sem partits caps al recifes, la termièra del lagon de Maurici qu'es un del mai grand del monde.

Lo maurician es un tipe caput que pòd actionart quatre telefonas a l'encop. Lo mèu un tipe jove e calossut , bèdre causiguèt de sonar al quatre caires del monde. E... A cap d'una orassa avem vist lo brave cinquantenat de batèus de richasses que tornejavan a l'entorn de quicòm. L solidaritat lo maurician ne joga.

Mas paures que n'avia lo còr sanhat , que a flor e a mesura qu'avançava los dalfins s'aluenhavan , e los richasses cridavan gauchosament e nadavan mitat nuds dins l'aiga blava e vèrda que te pods cercar las colors dins lo diccionaris , existis pas.

Sai que a un moment los dalfins ajèron pietat de ièu , o alara n'avian lor sadols de s'engolar des peisses dusca a s'espetar l'emonil.

A un moment virèron de cap ......cap al nòstre catamaran desalenat per la seguida , que petarava sornament, qu'avançava al son de la musica de Bob Marley, tant fòrta qu'èran pas emerdats pels mosquilhs.

Eran una brava tropelada d'un centenant de bestias miravilhosas que mostrava l'esquina e la coa, ( al revèrs dels vièlhs exibitionistas dins los òrts publics), mas coma la butada del boton de l'aparèlh fotò es temporisada se trobèt que trapèt qualques cops l'esquina o la coa , mas jamais las doas..Que las bravas putas volguèron pas sautar coma fan qualques còps quand son contents.

Pel acò m'escampèri dins l"aiga tebèsa ambe mon subre pès degut a una noiridura paura. Un dalfin es passat al ras e creguèri de m'estavanir. Ma reconegut coma dalfinterrian. Una rescontra dels tresen tipe que...

Puèi traçèron fòrça cap a l'ocean e paurets sens o ambe la quita combinason del recorman del monde aquò's impossible de los seguir.

Deviai sonque passar la matinada . Sem tornats sul còp de quatre oras de la vesprada evos contarai per de que.

Consi se pòd marchar jos l'aiga.

gros potons de maurice

Al paradis de Paul e Virginia que se pòd dire que sabian viure, ambe una man d'òbra nombrosa e pas cara... Amai i a un restaurant dins cada aubre....

tornar a Tolosa

Daissa me prendre lo tren .

ma nina

Ma nina va a la calandreta;

Parla"patoès" milhor que ièu.

Cada còp me fa una fèsta,

Tant que me'n crèsi  coma un Diu.

E dins ma paura tèsta clafida;

Dels espèrs mitats escantits;

Espèri qu'ambe mon aimadona

 Durarà dusca  l'infinit.

Al cèl traparèm l'escòla ;

Ont los angèls parlan occitan ,

Los aujòls dubriran la pòrta,

Coma o fasiam antan.

Sus lo suèlh pararàn un veire,

plen de vin roge  al ras , e de sal,

per se passar lo gost de la tèrra ,

que nos faguèt força susar.  

 

 

trabalh d'enfant

Regression sociala a totes los estages.

Aquò's lo monde mondial(y)sé.

Expleitacion dels enfants, de las femnas, de païses aroïnats pel FMI o l'OMC. 

Trabalh a ne crebar per de salaris de misèria.

Entre que los meteisses que menan lo monde,

Acaban de destrusir lo sistème social.  

Dins los nòstres païses "rics"

Ont son los socialistes d'esquèrra?

Aquò's l'annada de Jaurès . 

Mas ont son los eiritièrs?

 

l'agulhèta nosada

Aquò's una istòria d'agulhèta nosada (escricha per Paul Gayraud que parla d'una cèrta Riqueta ) e de la mèsa a mòrt de Bacchus... Qu'i compreni pas grand causa tanben ...
Aqui l'avètz ...
Coratge l'aurem.

jove e vièlh

Un jove sietut sus un banc ritz

E se vei plan qu'aquò's la vièlha 

Que lo far rire.

Mas de qu'a pogut dire .

Per que s'escarapèta aital de plaser.

Demandatz als aucèls .

Qu'aquò's un secret de vièlha.  

Ofèrta e la demanda

Mon païs, lo bèl païs de la p... e de l'I...

Mas de que ? 

N .. La mai bèla avenguda del monde aquo's ... A Campagnac òc... Dins Avayron. Oc

La venguda de Joan X...  Pffff...

Que mantuns còps i a... d... f ... ma... polid..as.

Mas que vòls?

Sem al... Païs dels drèch..  euh de qual païs los drèches ?

Mas que te'n pausi des question ièu?

Mas de la  femna colhaodèl...

E qualques còps de.... l'òme.

Soven te mon filh

boclièr

Aqui i aguèt un jorn un òme joine que se sonava Nicolas ;

E s'acapriçèt de sauvar los richasses ;

Qu'avia mal legit l'istòria del Robin dels Bòsses ,

Que panava los rics per donar als paures.

Gafèt doncas lo Nicolas aparava sonque  los argentats .

Te per prene un exemple ,

Un jorn qu'una vièlha maquarala,

 que s'èra retirada a la campanha ,

recebèt la fuèla de las talhas , e que

sortiguèt quasi nusa sus la rota en bramant,

ambe un chipelet coma una cencha  a l'entorn de la talha 

E ben èra aqui lo Nicolas .

E la femna bramava , gulava coma un crocodil ,

Qu'auria perdut las dents.

S'aprometèt lo Nicolas de construsir un boclièr fiscal.

D'aparar la femna rica, l'òme ric .

Qu'el se'n chautava que la paurièra se cochèsse a la pòrta dels ostals borgeses.

Al revèrs trobava qu'un paure fenis totjorn per amenaçar  l'òrdre de la societat . Lo respect de la Societat 

l'ordre que mena lo monde dempuèi qu'existis,  lo dels senhors de l'argent.

E aqui l'avem...

preson

Avem ganhat una ora.

Avem ganhat e...

Mai d'un còp, quand n'avem perdudas de minutas? d'oras? d'annadas.?

Sens esperar ren d'autre que l'agulha granda vira per  nos desliura.

Sonar enfin , la fin de l'escòla , de la jornada, del trabalh  e per acabar l'ora de la retirada.

Entre que las ataücs e sas carretadas passavan;

Cargats de son sòmis que son pas de creire. 

Lo temps fiala sa tèla, o bufa coma un leon.

E fin finala te minja la cervèla ,

Ambe un gisclat de lima per se tastar lo gost de  l'agre,

lo de la susor umana, ,  la que perfuma totes los camps del monde,

e totes las vilas, e ont s'amolonon,  los òmes, per veire pas lo temps passar.

e se trobar de que minjar a sos enfants.